ကဆုန်လပြည့်နေ့ ဗုဒ္ဓနေ့သည် ဗုဒ္ဓဘာသာဝင် သူတော်စင်တို့၏ နေ့ထူးနေ့မြတ် ဖြစ်ပါသည်။
“ဗျာဒိတ်၊ ဖွားမြင်၊ ဗောဓိပင်၊ စံဝင်နိဗ္ဗာန်နန်း” ဆိုသည့်အတိုင်း ဘုရားစင်စစ် ဧကန်ဖြစ်ရမည်ဟု ဗျာဒိတ်တော် ခံယူတော်မူသောနေ့၊ မြတ်စွာဘုရား ဖွားတော်မူသောနေ့၊ ဘုရားအဖြစ်သို့ ရောက်တော်မူသောနေ့နှင့် ဘုရားရှင် ပရိနိဗ္ဗာန်စံသော နေ့များဖြစ်ပါသည်။
ဤကဲ့သို့ ထူးခြားသော နေ့ထူးနေ့မြတ်၌ အမေရိကန်ပြည်ထောင်စု၊ ကော်လိုရာဒိုပြည်နယ်ရှိ ‘ဓမ္မပါလကျောင်း’ ၌ မြတ်စွာဘုရားရှင်၏ ဘုန်းတော်၊ ဂုဏ်တော်၊ တန်ခိုးတော်နှင့် ဉာဏ်တော် ဖုံဖုံကျေးဇူးဂုဏ်တို့ကို ကြည်ယုံ မျှော်မှန်း၍ မြတ်ဗုဒ္ဓအား ဆွမ်း၊ ရေချမ်း၊ သစ်သီး၊ ပန်း၊ ဆီမီး စသည်တို့ ဆက်ကပ်လှူဒါန်းခြင်း ဘုရားရှင်၏ဂုဏ်တော်တို့ကို ရွတ်ဖတ်ပူဇော်ခြင်း၊ ပဋ္ဌာန်းမြတ်ဒေသနာတော်တို့ကို ရွတ်ဖတ်ပူဇော်ခြင်းစသော ဗုဒ္ဓနေ့ပွဲတော် ကုသိုလ်ကောင်းမှုများကို ကျင်းပပြုလုပ် ပူဇော်ကြမည်ဖြစ်ပါ၍ အတူတကွ ကုသိုလ်ယူတော်မူကြပါရန် ဓမ္မမိတ်ဆွေအပေါင်းတို့အား လေးမြတ်စွာ ဖိတ်ကြားအပ်ပါသည်။
နေ့ရက်နှင့် အချိန် - - - ၂၀၁၂ ခု၊ မေလ ၅ ရက်၊ စနေနေ့၊ ညနေ ၃ နာရီ
အဟာရဒါန ကုသိုလ်ရှင် - - - နှစ်ဖက်သောမိဘများကို အမှူးထား၍ ကိုဇော်လွင်+မခင်သန္တာထွန်း မိသားစုမှ ‘မုန့်ဟင်းခါး’ ဖြင့် ဧည့်ခံကျွေးမွေး လှူဒါန်းပါမည်။
No comments:
Post a Comment