ရန်ကုန်မြို့ ကန်တော်ကြီးစောင်းက X2O သင်္ကြန်မဏ္ဍပ်မှာ ဒီနေ့ နေ့လည် ၃း၀၀ နာရီလောက်က ဗုံး ၃ လုံး ပေါက်ကွဲခဲ့လို့ အနည်းဆုံး လူ ၉ ဦး သေဆုံးခဲ့ပြီးတော့ ၉၀ ကျော် ဒဏ်ရာရရှိခဲ့ပါတယ်။ အဲဒီ မဏ္ဍပ်ရှိတဲ့နေရာဟာ VIP အကွက်လို့ ခေါ်တဲ့ အစိုးရအရာရှိကြီးတွေနဲ့ အဆက်အသွယ်ရှိသူတွေကို နေရာချထားပေးတဲ့ မဏ္ဍပ်နေရာလို့ သိရပါတယ်။ဗုံးဟာ တလုံးပြီးတလုံး ဆက်ပေါက်ကွဲခဲ့တာဖြစ်တယ်လို့ မျက်မြင်သက်သေများက ပြောပါတယ်။ ဒဏ်ရာရသူတွေထဲမှာ စစ်ဒေသ ၃ က အရာရှိကြီးတယောက် ပါတယ်လို့လည်း ပြောကြပါတယ်။
စစ်အစိုးရရဲ့ ရုပ်မြင်သံကြားမှလည်း ဗုံးကွဲလို့ လူ ၈ ဦးသေဆုံးပြီး ထိခိုက်ဒဏ်ရာ ရသူ ၉၄ ယောက်အထိရှိခဲ့ကြောင်း ကြေညာသွားပြီး ဗုံးခွဲမှုကျူးလွန်သူများကို သတင်းပေးဖို့ ဆော်သြထားပါတယ်။
ရန်ကုန်ဆေးရုံကြီး သတင်းရပ်ကွက်ကို ကိုးကားပြီး ရန်ကုန်ကလာတဲ့ သတင်းတွေမှာတော့ ပေါက်ကွဲမှုတွေကြောင့် လူ ၉ ဦးထက်မနည်း သေဆုံးပြီး အများအပြားလည်း ထိခိုက်ဒဏ်ရာတွေရခဲ့ကြောင်း ဖော်ပြထားပါတယ်။
ဗုံးကွဲမှု မြင်ကွင်း
အမျိုးသားဒီမိုကရေစီအဖွဲ့ချုပ်ရဲ့ သင်္ကြန်
ရန်ကုန်သင်္ကြန် မြင်ကွင်း
(ဓာတ်ပုံ - ရိုက်တာ၊ အေပီ၊ အေအက်ဖ်ပီ)
No comments:
Post a Comment