အမေရိကန် ရုပ်ရှင်ရုံ ပစ်ခတ်မှု ၁၂ ဦးသေ

"မသင်္ကာသူဟာ အသက် ၂၄ နှစ်အရွယ် James Homes ဖြစ်တယ်လို့ ရဲတပ်ဖွဲ့ တာဝန်ရှိသူတွေက ပြောပါတယ် ..."

အမေရိကန်ပြည်ထောင်စု ကော်လိုရာဒို (Colorado) ပြည်နယ်၊ ဒဲန်ဗာ(Denver) မြို့ ရပ်ကွက်တခုက ရုပ်ရှင်ရုံတခုမှာ ပစ်ခတ်မှုဖြစ်ပွားခဲ့လို့ ၁၂ ယောက် သေဆုံးပြီး ၃၈ ယောက်ထက်မနည်း ဒဏ်ရာရ သွားတယ်လို့ ရဲက ပြောပါတယ်။


Aurora ရပ်ကွက်က Century 16 ရုပ်ရှင်ရုံမှာ လင်းနို့လူသား (Batman) နောက်ဆုံး ရုပ်ရှင်ဖြစ်တဲ့ The Dark Knight Rises ရုပ်ရှင် သန်းခေါင်ချိန်မှာ စပြနေတုန်း မျက်နှာဖုံးစွပ်ထားတဲ့ လူတယောက်က လူအပြည့်ရှိနေတဲ့ရုပ်ရှင်ရုံ အရှေ့ကို ထွက်လာပြီး ရုပ်ရှင်ကြည့် ပရိတ်သတ်တွေဘက်ကို မျက်ရည်ယိုဗုံးတလုံးလှမ်းပစ်ပြီး တွေ့ရာမြင်ရာကို ပစ်ခတ်ခဲ့တယ်လို့ တာဝန်ရှိသူတွေက ပြောပါတယ်။

မွေးကင်းစကလေးတယောက်ကိုလည်း အနီးကပ်ပစ်သတ်ခဲ့တယ်လို့ မျက်မြင်တွေက ပြောပါတယ်။ ပစ်ခတ်မှုဖြစ်ပြီး သိပ်မကြာခင်မှာပဲ ရုပ်ရှင်ရုံ အပြင်ဘက် ကားရပ်ထားတဲ့နေရာမှာ သေနတ်သမားကို ဖမ်းမိခဲ့ပြီး ရိုင်ဖယ်သေနတ် တလက်၊ ပြောင်းတိုသေနတ် တလက်နဲ့ အဆိပ်ငွေ့ကာ မျက်နှာဖုံးစွပ်တခုကိုလည်း သိမ်းဆည်းရမိတယ်လို့ ရဲက ပြောပါတယ်။

ရုပ်ရှင်ရုံထဲမှာလည်း နောက်ထပ် သေနတ်တလက်ကို တွေ့ရှိခဲ့ပါတယ်။ မသင်္ကာသူဟာ အသက် ၂၄ နှစ်အရွယ် James Homes ဖြစ်တယ်လို့ ရဲတပ်ဖွဲ့ တာဝန်ရှိသူတွေက ပြောပါတယ်။ အခုပစ်ခတ်မှုဟာ အကြမ်းဖက်အဖွဲ့တွေနဲ့ ဆက်စပ်နေတဲ့ လက္ခဏာ မတွေ့ရဘူးလို့ ရဲက ပြောပါတယ်။ အရင်က ပစ်ခတ်မှုမှာ နောက်တယောက်လည်းပါတယ်လို့ သတင်းတွေ ထွက်ခဲ့ပေမယ့် တကယ်တော့ လူတယောက်တည်းက ပစ်ခတ်မှုတွေကို လုပ်တာလို့ Aurora ဒေသ ရဲချုပ်က သတင်းစာရှင်းပွဲ မှာ ပြောကြားခဲ့ပါတယ်။ ဖမ်းမိတဲ့ မသင်္ကာသူက သူ့တိုက်ခန်းမှာ ဖောက်ခွဲရေးပစ္စည်းတွေရှိတယ်လို့ စစ်ဆေးသူတွေကို ပြောခဲ့တာကိုလည်း ရဲချုပ်က ပြန်ပြောပြပါတယ်။

ဒါကြောင့် သေနတ်သမားရဲ့နေအိမ်မှာ ဖောက်ခွဲပစ္စည်းတွေရှိ မရှိကို သက်ဆိုင်ရာက ရှာဖွေ စစ်ဆေးခဲ့ပါတယ်။ ပစ်ခတ်မှုနဲ့ ပတ်သက်ပြီး အိမ်ဖြူတော်က ထုတ်ပြန်တဲ့ ကြေညာချက်ထံမှာ သမ္မတ Barack Obama က သူရော သမ္မတကတော်ပါ ခြောက်ခြား ကြေကွဲဖွယ်ပစ်ခတ်မှုကြောင့် တုန်လှုပ် စိတ်မကောင်းဖြစ်ရတယ်လို့ ဖော်ပြထားပါတယ်။

သတင်း - ဗွီအိုအေ 

(မှတ်ချက် - အော်ရိုရာ (Aurora) ရပ်ကွက် မဟုတ်ပါ။ ကော်လိုရာဒိုပြည်နယ်ထဲက မြို့တမြို့ ဖြစ်ပါတယ်။ ဒဲန်ဗာ(Denver) က ပြည်နယ်မြို့တော်ပါ။ နောက်ဆုံး သိရသလောက် ၇၁ ဦး ဒဏ်ရာရရှိပြီး ၁၂ ဦး သေဆုံးပါတယ်။ သေဆုံးဒဏ်ရာရရှိသူတွေဟာ ၃ လသားအရွယ်ကနေ ၄၅ နှစ်အထိ ဖြစ်ပါတယ်။ သေဆုံးသွားသူထဲက အသက်အငယ်ဆုံး ကလေးက ၆ နှစ်အရွယ် ဖြစ်ပါတယ်။ ၃ လသား ကလေးငယ်မှာ ဒဏ်ရာရသွားတာသာ ဖြစ်ပါတယ်။ အခင်းဖြစ်ပွားရာမှာ ၁၀ ဦး သေဆုံးပြီး ဆေးရုံရောက်မှ ၂ ဦးထပ်မံ သေဆုံးသွားတာ ဖြစ်ပါတယ်။ အသေးစိတ်ကိုဖတ်ချင်တယ်ဆိုရင်တော့ …)