၆၃ ကြိမ်မြောက် မွန်အမျိုးသားနေ့အခမ်းအနားကို အမေရိကန်ပြည်ထောင်စု ကော်လိုရာဒိုပြည်နယ် ဒန်ဗားမြို့မှာ မွန်အမျိုးသားများ ဦးဆောင်ပြီး ဇန်နဝါရီလ ၃၀ ရက်နေ့က ကျင်းပခဲ့ပါတယ်။
အခမ်းအနားကို နေ့လည် ၁၂ နာရီမှာ ဖဲကြိုးဖြတ် ဖွင့်လှစ်ခဲ့ပါတယ်။ အဲဒီနောက် မွန်အမျိုးသားသီချင်း သီဆိုပြီး မွန်အလံတော်အား အလေးပြုခြင်း အစီအစဉ်နဲ့ အခမ်းအနားကို စတင်ခဲ့ပါတယ်။
ထို့နောက် အခမ်းအနား ဦးဆောင်ကျင်းပသူများက မွန်အမျိုးသားနေ့ဖြစ်ပေါ်လာပုံ၊ မွန်အမျိုးသားများရဲ့ သမိုင်းကြောင်း၊ သဝဏ်လွှာများ ဖတ်ကြားခြင်း အစီအစဉ်များဖြင့် ပြုလုပ်ခဲ့ကြပါတယ်။
၎င်းအပြင် တက်ရောက်လာသူများက အသီးသီး အမှာစကားပြောကြားကြပြီး ...
မွန်ရိုးရာ အစားအစာများဖြင့် တည့်ခင်းဧည့်ခံကာ ရိုးရာအက၊ သီချင်းများဖြင့် ဖျော်ဖြေကြပြီးနောက် နေ့လည် ၃း၀၀ နာရီတွင် အခမ်းအနားကို အောင်မြင်စွာ ရုပ်သိမ်းခဲ့ကြပါတယ်။
မွန်ဘုရင် သမလ၊ ဝိမလ ညီနောင်တို့ ဟံသာဝတီ နေပြည်တော်ကို စတင်တည်ထောင်တဲ့ သာသနာသက္ကရာဇ် ၁၁၁၆ ခုနှစ်၊ တပို့တွဲလပြည့်ကျော် ၁ ရက်နေ့ကိုအစွဲပြုပြီး မွန်အမျိုးသားနေ့အဖြစ် သတ်မှတ်ခဲ့ခြင်းဖြစ်ကြောင်း သိရပါတယ်။
No comments:
Post a Comment